Дар доираи нақшаи чорабиниҳо оид ба омодагӣ ва таҷлили ҷашнҳои дар пешистода, бо мақсади ҷалб намудани оммаи васеи аҳолӣ ба корҳои ободониву тозагии муҳити атроф дар мавзеи Хуррамдараи ноҳияи Шаҳристон аксияи «Тозагии маҳал ва соҳил» доир гардид. Дар он кормандони бахши ҳифзи муҳити зист, МД хоҷагии ҷангали ноҳия, бахши кор бо ҷавонон, аҳолии ҷамоатҳо қариб 100 нафар иштирок доштанд. Рафти аксия минтақаи истироҳатӣ, соҳили кӯл ва ҷӯйборҳо аз партовҳои ҳархела тоза карда шуд. Дар мавзеи истироҳатӣ 25 адад қуттиҳо барои партофтани партов гузошта шуда, 4 тонна партов бароварда шуд.
Манбаъ: Сомонаи Раёсати ҳифзи муҳити зисти Вилояти Суғд.
